Իսրայելի պաշտպանության բանակը զորքեր է հավաքում դեպի սահման, ի թիվս այլ բաների, Լիբանանի հետ սահմանն ամրացնելու համար։ Այս մասին գրում է ռազմական լրագրողի՝ «Военкор Котенок» թելեգրամյան ալիքը։ 

Ալիքը նաև հրապարակել է տեսանյութ և նշել․ «Իսրայելական հետախուզական անօդաչու թռչող սարքերը թռչում են հարավային Լիբանանի վրայով»։

Հիշեցնենք` հոկտեմբերի 7-ի առավոտյան Իսրայելը Գազայի հատվածից աննախադեպ հրթիռային հարձակման ենթարկվեց։ Իսրայելի բանակի մամուլի ծառայությունից հայտնեցին, որ ծայրահեղականներն ավելի քան 3 հազար հրթիռ են արձակել: Բացի այդ, տասնյակ զինյալներ ներխուժել են Իսրայելի հարավում գտնվող սահմանամերձ շրջաններ։