Նարեկ Նազարյանի մահվան գործով ձերբակալվել է նույն զորամասի մեկ այլ զինծառայող․ Armlur
Հայտնել էինք, որ հոկտեմբերի 9-ին կյանքի հետ անհամատեղելի հրազենային վնասվածքից մահացել է ՀՀ ՊՆ N զորամասի զինծառայող Նարեկ Արմենի Նազարյանը, հայտնում է ՀՀ ՊՆ։ Armlur-ին հասած տեղեկություների համաձայն, զինվորի մահվան գործով ձերբակալվել է նույն զորամասի մեկ այլ զինծառայող:
Իրավապահ համակարգից լրատվամիջոցին հասած լուրերի համաձայն, զինծառայողն է կրակել Նարեկ Նազարյանի վրա և իրավապահներին ցուցմունք է տվել և հայտնել, որ պատահաբար է կրակել։ Իսկ թե պատահաբար է եղել, թե դիտավորյալ, կպարզի քննությունը։
Նշենք, որ մահացած զինվորը Լոռու մարզի Գարգառ համայնքից էր։ Տան միակ որդին էր, ուներ մեկ քույր։ Նարեկ Նազարյանը ընդամենը 19 տարեկան էր եւ 7 ամսվա զինծառայող էր:
Ավելի վաղ հայտնել էինք, որ հոկտեմբերի 9-ին կյանքի հետ անհամատեղելի հրազենային վնասվածքից մահացել է ՀՀ ՊՆ N զորամասի զինծառայող Նարեկ Արմենի Նազարյանը, հայտնում է ՀՀ ՊՆ։
