Հրապարակվել է զոհված և առևանգված իսրայելցի զինվորների նախնական թիվը

Առնվազն 123 իսրայելցի զինվոր զոհվել, 50 հոգի առեւանգվել է ՀԱՄԱՍ-ի կողմից։ Այս մասին տեղեկացրել է Իսրայելի Պաշտպանության բանակի նեկայացուցիչ Դանիել Հագարին։

Հագարիի խոսքով՝ ՑԱԽԱԼ-ը ապահովել է Գազայի հատվածին մոտ գտնվող իսրայելական բոլոր քաղաքների և համայնքների վերահսկողությունը։

«Որքան հասկանում ենք, ոչ մի ահաբեկիչ գիշերը չի մտել Իսրայել։ Եղել են ահաբեկիչների հետ բախումների մի քանի դեպքեր, որոնք թաքնվել են իսրայելական տարածքում առաջին գրոհից հետո»,-ասել է նա։ 

Նա ավելացրել է, որ Իսրայելը Գազային օդային հարվածներ է հասցնում յուրաքանչյուր չորս ժամը մեկ։ Ինչ վերաբերում է հյուսիսային ճակատին, Հագարին ասել է, որ Լիբանանի հետ սահմանին ներկայում միջադեպեր չկան, բայց ՑԱԽԱԼ-ը նախկինի պես պատրաստ է։