Բորելն Իսրայելի և Պաղեստինի ԱԳ նախարարներին հրավիրել է հանդիպման
ԵՄ դիվանագիտության ղեկավար Ժոզեպ Բորելն Իսրայելի և Պաղեստինի ԱԳ նախարարներին հրավիրել է Մերձավոր Արևելքի հարցերով հանդիպման։
«Ես Իսրայելի արտաքին գործերի նախարար էլի Քոենին հրավիրել եմ միանալ արտգործնախարարների հանդիպմանը, որն անցկացնելու եմ օրվա երկրորդ կեսին։ Ես նաև հրավիրել եմ Պաղեստինի արտաքին գործերի նախարար Ռիյադ ալ-Մալիքիին՝ ելույթ ունենալ հանդիպմանը»,- գրել է Բորելը՝ X-ի իր միկրոբլոգում։
Հիշեցնենք` հոկտեմբերի 7-ի առավոտյան Իսրայելը Գազայի հատվածից աննախադեպ հրթիռային հարձակման ենթարկվեց։ Իսրայելի բանակի մամուլի ծառայությունից հայտնեցին, որ ծայրահեղականներն ավելի քան 3 հազար հրթիռ են արձակել: Բացի այդ, տասնյակ զինյալներ ներխուժել են Իսրայելի հարավում գտնվող սահմանամերձ շրջաններ։ Իսրայելը պատասխան հարվածներ է հասցրել։
