ՏԵՍԱՆՅՈՒԹ․ Ինչպես են ադրբեջանցիները զինված հարձակման ենթարկել նաև քաղաքացիական բնավայրերը․ Թաթոյան
Ապացույց այն մասին, որ ադրբեջանական զինված ծառայողներն Արցախում 2023թ. սեպտեմբերի 19-ին զինված հարձակման են ենթարկել նաև քաղաքացիական բնավայրերը: Այս մասին հայտնում է ՀՀ նախկին ՄԻՊ Արման Թաթոյանը։
«Այս տեսանյութը վերաբերում է Արցախի Չարեքտար գյուղին: Տարբեր փոքր տեսանյութերի հավաքագրումով կարողացել ենք հիմնավորել, որ ադրբեջանական զինված ծառայողները կրակոցներ են արձակել քաղաքացիական տների ուղղությամբ՝ ակնհայտ իմանալով, որ գյուղերի ու քաղաքների տներում մնացել են խաղաղ բնակիչներ:
Պատահական չէ, որ Արցախի նկատմամբ ադրբեջանական վերջին հարձակումներով սպանվել է 18 քաղաքացիական անձ, այդ թվում՝ 6 երեխա», գրել է թաթոյանը:
Նա նաև գրառմանը կից տեսանյութ է հրապարակել։
