ՏԵՍԱՆՅՈՒԹ․ Մարդկաց ասել են տան արժեքավոր իրերը հանել ու սկսել են քանդել տները․ ի՞նչ է կատարվում Սիլիկյան թաղամասում
Մարդկաց ասել են տան արժեքավոր իրերը հանեք ու սկսել են քանդել տները։ Այս մասին ֆեյսբուքյան իր էջում գրում է լրագրող Լիլիթ Բարսեղյանը՝ կից տեսանյութերով ու լուսանկարներով։
«Երևանի քաղաքապետարան, կպարզաբանե՞ք: Սիլիկյան թաղամասում ա սա, առավոտ եկել են, մարդկաց ասել տան արժեքավոր իրերը հանեք ու սկսել են քանդել տները»,- գրել է նա:
Լրագրողի խոսքով, վաղեմության ժամկետի հարց կա, կան տներ, որ 10 տարվա պատմություն ունեն, կանոնավոր կոմունալ վճարումներ են արվել և այլն։
«Իրավունք ունի՞ քաղաքապետարանը գալ ու միանգամից անցնել գործի»,-գրում է Լիլիթ Բարսեղյանը՝ հավելելով․ «Ֆոտոները հենց նոր ուղարկեցին, հիմա մարդիկ չեն կարողանում կանգնեցնել քանդելու ընթացքը…»։
Նշենք, որ Auroranews-ը փորձում է մանրամասներ ճշտել և պարզաբանում ստանալ քաղաքապետարանից։
