Համբուրգի օդանավակայանը դադարեցրել է աշխատանքը՝ Թեհրանից ժամանող ինքնաթիռում պայթյունի սպառնալիքի պատճառով

Համբուրգի միջազգային օդանավակայանի աշխատանքն ամբողջությամբ դադարեցվել է Թեհրանից ժամանող ինքնաթիռում ռումբի պայթյունի սպառնալիքի պատճառով։ 
 

Ինչպես գրում են ԶԼՄ-ները, ոստիկանության ներկայացուցիչը այսօր առավոտյան նամակ է ստացել Թեհրան-Համբուրգ ինքնաթիռի վրա հարձակման սպառնալիքի մասին։

Ինքնաթիռը վայրէջք է կատարել օդանավակայանում։ Այժմ այն խուզարկում են իրավապահները։ Ինքնաթիռում գտնվող 198 ուղևորներն ու անձնակազմի 16 անդամները լքել են ինքնաթիռը։ Նրանց ուղեբեռն այժմ ստուգվում է։

Երևանի ժամանակով ժամը 14:40-ից օդանավակայանը թռիչքներ չի ուղարկում և չի ընդունում: Ըստ գործակալության՝ դաշնային ոստիկանությունը լուրջ է գնահատում այն սպառնալիքը, որը նրանք ստացել են էլեկտրոնային փոստով։