Բաքվի դատարանը մերժել է փաստաբանի բողոքը․ Ռուբեն Վարդանյանը կմնա կալանքի տակ
Բաքվի դատարանը կալանքի տակ է թողել Արցախի նախկին պետական նախարար Ռուբեն Վարդանյանին:
Ինչպես հայտնում են տեղի լրատվամիջոցները, դատարանը մերժել է փաստաբան Աֆատ Գազիևայի ներկայացրած վերաքննիչ բողոքը, այն է` փոխել իր պաշտպանյալի խափանման միջոցը:
Դատարանը համարել է, որ առաջին ատյանի դատարան որոշումը հիմնավորված է։
Հիշեցնենք` սեպտեմբերի 27-ին հայտնի դարձավ, որ ադրբեջանական կողմը ձերբակալել է Ռուբեն Վարդանյանին, երբ նա փորձել է լքել Արցախը։ Ավելի ուշ պարզվեց, որ նրան 3 մեղադրանք է ներկայացվել, և ադրբեջանական դատարանը Արցախի նախկին պետնախարարին 4 ամսով կալանավորելու որոշում է կայացրել։
