ՏԵՍԱՆՅՈՒԹ․ «ՀԱՄԱՍ»-ը Իսրայելի Սդերոտի ուղղությամբ 100 հրթիռ է արձակել
«ՀԱՄԱՍ» խմբավորման մարտական թևը պնդում է, որ Իսրայելի հարավում գտնվող Սդերոտ քաղաքի ուղղությամբ, որը Գազայի հատվածից գտնվում է մի քանի կիլոմետր հեռավորության վրա, արձակել է շուրջ 100 հրթիռ։ Al Jazeera-ի փոխանցմամբ՝ համապատասխան հայտարարությունը տարածվել է «ՀԱՄԱՍ» խմբավորման մարտական թևի տելեգրամյան ալիքում։
«Իզեդին ալ-Քասեմի բրիգադները զանգվածային հարվածներ են հասցնում բռնազավթված Սդերոտին, ապաստարանների ռմբակոծմանն ի պատասխան արձակվել է 100 հրթիռ»,- պնդում է «ՀԱՄԱՍ»-ի մարտական թևը։
Պաղեստինյան զինյալները նաև հայտնել են, որ իրենց մարտիկները լուսադեմին ևս մեկ ներթափանցում են իրականացրել Իսրայելի տարածք և «մաասնակցում են կատաղի բախումներին»։
«Այս գիշեր և լուսադեմին մեզ հաջողվել է գրավյալ տարածքների մի շարք վայրերում, մարտիկների և տեխնիկայի միջոցով մեր ուժերը ամրապնդելու համար, ներթափանցման գործողություններ իրականացնել»,- ասված է հայտարարության մեջ։
Գրոհայինները պնդում են, որ բախումներն ընթանում Օֆակիմ, Սդերոտ քաղաքների և Յադ-Մորդեխահ և Կֆար-Ազա բնակավայրերի շրջաններում։
