ԼՂ-ում պայթյունից տուժած 5 անչափահաս տեղափոխվել են ԱՄՆ ու Բելգիա
Ամերիկայի Միացյալ Նահանգների և Բելգիայի Թագավորության հետ փոխգործակցության արդյունքում այսօր այդ երկրների առաջատար բժշկական մասնագիտացված կենտրոններ են տեղափոխվել պայթյունից տուժած 5 պացիենտ։ Այս մասին հաղորդագրություն է տարածել ՀՀ առողջապահության նախարարությունը:
«Նրանք բոլորն անչափահասներ են»,-նշված է հաղորդագրության մեջ:
Նաև նշվում է,որ Հայաստանին օգնության ձեռք մեկնած երկրներից Ֆրանսիայի, Բուլղարիայի, Իտալիայի կլինիկաներում բուժումն արդեն շարունակում են 12 պացիենտ։
