ՏԵՍԱՆՅՈՒԹ․ Իսրայելը ռազմական գործողություն է սկսել Գազայի հատվածում

Իսրայելական բանակը ռազմական գործողություն է սկսել Գազայի հատվածում՝ ի պատասխան իր տարածքում հրթիռակոծությունների։ Այս մասին հայտնում է kommersant․ru-ն։

Մինչ այս Իսրայելի պաշտպանության բանակը հայտարարել է «մարտական պատրաստության վիճակի» մասին Գազայի հատվածից սահմանամերձ շրջաններ գրոհայինների ներթափանցումից հետո։

Գազայի հատվածից Իսրայելի հրթիռակոծումը սկսվել է առավոտյան։ Ահազանգեր են հնչել Թել Ավիվում և Երուսաղեմում։ 

Տեղեկություններ կան նաև Գազայի հատվածում երկրի հարավում գտնվող իսրայելական բնակավայրեր պաղեստինցի ահաբեկիչների ներթափանցման մասին: Խոսքը, մասնավորապես, Սդերոտ քաղաքի մասին է՝ ահաբեկիչների ջոկատը մտել է քաղաքի ոստիկանական բաժանմունք, փոխհրաձգություն է տեղի ունեցել։ Ինչպես հայտնում է կայքը, բանակը հաստատում է ներթափանցման մասին տեղեկությունը: