Պետդումա է ներկայացվել մի օրինագիծ, որն արգելում է միգրանտներին աշխատել դպրոցներում, հիվանդանոցներում և տաքսի վարել
ՌԴ Պետդումա է ներկայացվել օրինագիծ, որն արգելում է միգրանտներին աշխատել դպրոցներում, հիվանդանոցներում և տաքսի վարել, հայտնում է ՏԱՍՍ-ը։
Փաստաթուղթը ներկայացրել է մի խումբ պատգամավորներ՝ «Արդար Ռուսաստան՝ հանուն ճշմարտության» կուսակցության առաջնորդ Սերգեյ Միրոնովի գլխավորությամբ։ Ինչպես նշում են հեղինակները, փաստաթուղթը միգրանտներին արգելում է աշխատել «ամենազգայուն սոցիալական ոլորտներում», որտեղ «օտարերկրյա աշխատողների ոչ հմուտ աշխատանքը կարող է ավելի շատ վնաս պատճառել, քան օգուտ»:
Նախաձեռնության հեղինակները պարզաբանում են, որ օրինագիծն արգելում է միգրանտներին ներգրավել պետական և մունիցիպալ առողջապահական համակարգերի հիմնարկներում և կազմակերպություններում բժշկական ծառայությունների մատուցմանը, դպրոցական կրթական համակարգում։ Առաջարկվում է նաև արգելել միգրանտների զբաղվածությունը դեղերի առևտրի ոլորտում և ներգրավել նրանց մարդատար տաքսիներում և բեռնափոխադրումների աշխատանքին, «որտեղ միգրանտների մասնակցությամբ ճանապարհատրանսպորտային պատահարների, այդ թվում՝ մահացու դեպքերի առանձնակի աճ կա»։
«Օրինագծի իրագործումը հնարավորություն կտա կասեցնել միգրանտների աճը տնտեսության այս ոլորտներում՝ լրացուցիչ աշխատատեղեր ապահովելով Ռուսաստանի Դաշնության քաղաքացիներին»,- նշել են պատգամավորները։
