Հայտնի է, թե երբ տեղի կունենա Վագիֆ Խաչատրյանի դատավարությունը
Ադրբեջանական լրատվամիջոցները հայտնում են, որ Լաչինի միջանցքում ձերբակալված Վագիֆ Խաչատրյանի դատավարությունը տեղի կունենա հոկտեմբերի 13-ին։
Ըստ մամուլի՝ քրեական գործը քննվելու է Բաքվի զինվորական դատարանում՝ դատավոր Ջամալ Ռամազանովի կողմից։ Գործով տուժող է ճանաչվել 59 անձ։
Հիշեցնենք` հուլիսի 29-ին ադրբեջանցի սահմանապահներն առևանգել են Վագիֆ Խաչատրյանին` Կարմիր խաչի միջազգային կոմիտեի մեքենայից։ Նա Արցախից Հայաստան էր տեղափոխվում՝ բժշկական օգնություն ստանալու համար։
