Քաղաքականություն

Գերմանիան հավատարիմ է ՀՀ-ի և Ադրբեջանի միջև կայուն խաղաղության հաստատմանը․ Շոլց

Գերմանիան հավատարիմ է ՀՀ-ի և Ադրբեջանի միջև կայուն խաղաղության հաստատմանը․ Շոլց
Գերմանիայի կանցլեր Օլաֆ Շոլցը հեռախոսազրույց է ունեցել Ադրբեջանի նախագահ Իլհամ Ալիևի հետ, որի ընթացքում հայտարարել է ռազմական ուժի կիրառման անթույլատրելիության մասին: Այս մասին լրագրողների հետ…

Գերմանիայի կանցլեր Օլաֆ Շոլցը հեռախոսազրույց է ունեցել Ադրբեջանի նախագահ Իլհամ Ալիևի հետ, որի ընթացքում հայտարարել է ռազմական ուժի կիրառման անթույլատրելիության մասին: Այս մասին լրագրողների հետ հանդիպմանն ասել է ԳԴՀ նախարարների կաբինետի ներկայացուցիչ Կրիստիանե Հոֆմանը:

 

«Կանցլեր Շոլցն այսօր հեռախոսազրույց է ունեցել Ադրբեջանի նախագահ Իլհամ Ալիևի հետ: Նա ընդգծել է, որ Գերմանիայի կառավարությունը վճռականորեն հավատարիմ է Հայաստանի և Ադրբեջանի միջև կայուն խաղաղության հաստատմանը` հիմնված երկու երկրների տարածքային ամբողջականության սկզբունքի վրա, և իրավիճակի` խաղաղ բանակցությունների միջոցով կարգավորմանը»,- ասել է նա:

 

ԵՄ խորհրդի նախագահ Շառլ Միշելի ջանքերը, Հոֆմանի խոսքով, վայելում են դաշնային կառավարության լիարժեք աջակցությունը:

 

«Կանցլերն ընդգծել է ԼՂ-ում իրավիճակի և դրա զարգացման հարցում հնարավոր առավելագույն թափանցիկության կարևորությունը»,- ասել է Հոֆմանը:

 

Վերջինիս պնդմամբ` Շոլցը հայտնել է, որ հոկտեմբերի 1-ին ՄԱԿ առաքելության այցը ԼՂ դրական քայլ է, որը պետք է զարգացնել:

Նմանատիպ հոդվածներ

Ավելին Քաղաքականություն բաժնից

AURORA TV

Դիտել ուղիղ եթեր

Արագ որոնում

Հանրաճանաչ թեմաներ

Հայաստան (7388) Միջազգային (3230) ԱՄՆ (2281) Ռուսաստան (2092) Իրան (1735) Ընտրություններ (1272) Ուկրաինա (821) Երևան (797) Իսրայել (759) Ադրբեջան (619) Փաշինյան (558) Եվրոպա (510) Ընդդիմություն (436) Թրամփ (428) Ազգային ժողով (407)

Radio Aurora

Լսել Radio Aurora

Գովազդային տարածք

300x250