6.6 մագնիտուդ երկրաշարժ՝ Ճապոնիայում. հայտարարվել է ցունամիի վտանգի մասին

Ճապոնիայում գրանցվել է 6,6 մագնիտուդ ուժգնությամբ երկրաշարժ, ինչից հետո հայտարարվել է ցունամիի վտանգի մասին:

Կատակլիզմը գրանցվել է հոկտեմբերի 5-ի օրվա առաջին կեսին Իձու արշիպելագից հարավ։ Ցնցման օջախը եղել է10 կիլոմետր խորության վրա։

Սպասվում է, որ հաջորդող ցունամին կառաջացնի մինչև 1 մետր բարձրությամբ ալիքներ: Օդերեւութաբանները զգուշացնում են, որ դա բավական է մարդուն տապալելու համար։ 

Իշխանությունները հորդորում են բնակչությանը ափ չգնալ, իսկ ծովի մոտ գտնվողներին շտապ բարձրանալ ավելի բարձր տեղեր։