6.3 մագնիտուդով երկրաշարժեր՝ Աֆղանստանում. զոհվել է մոտ 120 մարդ
Աֆղանստանի արևմուտքում 6,3 մագնիտուդով երկու երկրաշարժ է գրանցվել, հայտնում է Associated Press-ը՝ վկայակոչելով Աֆղանստանի արտակարգ իրավիճակների կառավարման գործակալությանը։ Վերջին տվյալներով՝ զոհվել է «մոտ 120 մարդ», ավելի քան հազարը վիրավորվել են, հայտնում է AFP-ն՝ վկայակոչելով Հերաթ նահանգի աղետների դեմ պայքարի վարչության ղեկավար Մոսու Աշարիին։
Ըստ AP-ի, երկրաշարժերից հիմնական վնասը կրել են Հերաթ նահանգի Զենդա Ջան շրջանի չորս գյուղեր։ Հերաթի բնակիչ Աբդուլա Շակոր Սամադին գործակալությանը հայտնել է, որ քաղաքում առնվազն հինգ ցնցում է տեղի ունեցել։ Ավերածությունների պատճառով Հերաթում անջատվել է հեռախոսային կապը, հայտնում է AP-ն։
Թալիբանի կառավարությունը կոչ է արել տեղական կազմակերպություններին հնարավորինս արագ ժամանել տուժած շրջաններ՝ օգնություն ցուցաբերելու համար։ Նրանք նաև խնդրել են հարուստ հայրենակիցներին ցանկացած հնարավոր օգնություն ցուցաբերել տուժածներին, հայտնում է գործակալությունը։
