ԼՈՒՍԱՆԿԱՐՆԵՐ. Զոհեր, տասնյակ վիրավորներ. պաշտոնական՝ Ստեփանակերտի մոտ ողբերգական պայթյունից
Ստեփանակերտ-Ասկերան ավտոճանապարհի հարակից տարածքում` բենզինի պահեստում, տեղի ունեցած ուժեղ պայթյունի հետևանքով կան զոհեր, հայտնում է Արցախի ՆԳՆ մամուլի ծառայությունը։
Տեղեկացվում է, որ այրվածքներ ստացած բազմաթիվ տուժածներ տեղափոխվել են բուժհաստատություններ։ Այս պահին տեղում աշխատում են փրկարարական և բժշկական օպերատիվ խմբերը։ Գերատեսչությունից տեղեկացնում են, որ դեպքի մանրամասների վերաբերյալ տեղեկություններ կհրապարակեն ավելի ուշ։
Արցախի առողջապահության նախարարի մամուլի քարտուղար Անգելինա Իսախանյանը տեղեկացրել է, որ Ստեփանակերտում բենզինի ցիստեռնի պայթունից ունենք մի քանի տասնյակ վիրավորներ՝ տարբեր այրվածքներով:
Ավելի վաղ սոցիալական ցանցերում տեսանյութեր էին հայտնվել, որտեղ երևում էր հզոր պայթյունը։ Նշվումէ ր, որ 100 տոննա տարողությամբ ցիստեռն է պայթել։
