Գյումրու հիվանդանոց տեղափոխված երեխաների վիճակը միջին ծանրության է

Երեկ տեղի ունեցած ավտովթարի հետևանքով Գյումրու մոր և մանկան ավստրիական հիվանդանոց տեղափոխված երեխաները 12 և 7 տարեկան են։

«Նրանց առողջական վիճակը գնահատվում է միջին ծանրության: Բժիկների կողմից կատարվում է ամեն ինչ երեխաների առողջական վիճակը բարելավելու համար»,-նշում են հիվանդանոցից։

Հիշեցնենք, որ դժբախտ պատահարը տեղի է ունեցել հոկտեմբերի 3-ին։ Ժամը 18-ի սահմաններում Գյումրի-Երևան ավտոճանապարհի 20-րդ կմ-ին բախվել են «Mitsubishi» և «Nissan» մակնիշների ավտոմեքենաները:

Գյումրի քաղաքի ԲԿ են հոսպիտալացվել Հ. Ս.-ն, Պ. Ա.-ն, Ա. Կ.-ն (ծնված 1984 թ.), Ա. (ծնված 1993 թ.) և Ա. (ծնված 1978 թ.) Ա.-երը, իսկ Գյումրու մոր և մանկան Ավստրիական հիվանդանոց՝ Ա. (ծնված 2016 թ.) և Ս. (ծնված 2011 թ.) Հ.-երը:

Վթարի հետևանքով 3 անձ տեղում մահացել է։