Արցախից բռնի տեղահանված 9 երեխա գտնվում է վերակենդանացման բաժանմունքում․ 345 բուժառու բուժում է ստանում

ԼՂ-ից բռնի տեղահանվածների թիվը չի փոխվել: Այս մասին հայտարարել է վարչապետի խոսնակ Նազելի Բաղդասարյանը՝ հիշեցնելով, որ այդ անձանց թիվը շարունակում է մնալ 100.625։

«Փոփոխություն ունենք հաշվառվածների ցուցանիշում, որ կազմում է 95.711»,- ասել է նա՝ հավելելով, որ նրանց մեջ հաշվառված երեխաների թիվը կազմում է շուրջ 29.000։

Նա նաև նշել է, որ ՀՀ տարբեր ԲԿ-ներում շարունակում է բուժում ստանալ ԼՂ-ից տեղափոխված 345 բուժառու։ 

Ըստ խոսնակի՝ նրանցից 102-ի վիճակը շարունակում է մնալ ծանր, 37-ինը՝ ծայրահեղ ծանր, վերակենդանացման բաժանմուքնում է գտնվում  9 երեխա։