Հարկավոր է դադարեցնել ԱՄՆ օգնությունն Ադրբեջանին․ Ադամ Շիֆը օրինագիծ է ներկայացրել

ԱՄՆ կոնգրեսական Ադամ Շիֆը հայտնել է, որ հարկավոր է դադարեցնել ԱՄՆ օգնությունն Ադրբեջանին, այլապես Բաքվի կողմից բռնությունները կշարունակվեն։ Այս մասին Շիֆը գրառում է կատարել X սոցիալական ցանցի իր էջում։

«Արցախի և Հայաստանի դեմ Ադրբեջանի սարսափելի ագրեսիայի և տեղի ունեցող էթնիկ զտման պայմաններում ես ևս մեկ բանաձև եմ ներկայացնում, որը, հուսով եմ, կհանգեցնի ԱՄՆ օգնության դադարեցմանը Բաքվին։ 

Անկախ նրանից, թե ինչ են ասում մեր դիվանագետները, եթե այդ վարչակարգին շարունակվի գումար տրամադրվել, կշարունակվեն նաև նրա կողմից բռնությունները», - գրել է Շիֆը։