«Ադրբեջանը պատրաստ է կազմակերպել ՄԱԿ-ի մշտական համակարգողի այցը Ղարաբաղ»․ Ալիև
Ադրբեջանական կողմը պատրաստ է մոտ ապագայում կազմակերպել մեր երկրում հավատարմագրված ՄԱԿ-ի մշտական համակարգողի գրասենյակի այցը Ղարաբաղ։ Այս մասին Ադրբեջանի նախագահ Իլհամ Ալիևը հայտարարել է ԱՄՆ պետքարտուղար Էնթոնի Բլինքենի հետ հեռախոսազրույցում։
Հիշեցնենք` Ադրբեջանը սեպտեմբերի 19–ին լայնամասշտաբ հարձակում սկսեց Արցախի դեմ։ Ադրբեջանական զինուժը շփման գծի ողջ երկայնքով խախտեց հրադադարը` հասցնելով հրթիռահրետանային հարվածներ։ Ադրբեջանական ագրեսիայի հետևանքով առնվազն 200 զոհ և ավելի քան 400 վիրավոր կա։
