Արցախցիների առաջին խումբը՝ մոտ 30 անձ արդեն ժամանել է Սյունիք

Արցախցիների առաջին խումբը՝ մոտ 30 հոգի արդեն ժամանել է Սյունիք: Այս մասին NEWS.am-ին հայտնեց Սյունիքի մարզպետի խորհրդական Կարեն Բալյանը՝ նշելով, որ առաջին խմբին արդեն դիմավորել են: 

Նա հայտնեց, որ մարզպետի հանձնարարականով ստեղծվել է աշխատանքային խումբ, որը զբաղվելու է Արցախից տեղափոխվածների խնդիրներով: 
Հարցին, թե որտե՞ղ են պատրաստվում տեղավորել քաղաքացիներին, Բալյանն ասաց՝ ամեն տեղ, որտեղ՝ հնարավոր կլինի, ե՛ւ գյուղերում ե՛ւ քաղաքներում: 

Հիշեցնեմ, ավելի վաղ հայտնել էինք, որ Կոռնիձոր գյուղ է ժամանել Արցախի Հանրապետություից տեղահանվածների առաջին խումբը։