Արցախի քաղաքացիների առաջին խումբը հասել է Կոռնիձոր

Լեռնային Ղարաբաղի քաղաքացիների առաջին խումբը հասել է Կոռնիձոր:  Այս մասին հայտնում է  «Լուրերի» թղթակիցը Կոռնիձորից: 

Ավելի վաղ հայտնել էինք՝ ԼՂ կառավարությունը տեղեկացրել է՝ իրականացվելու է վերջին ռազմական գործողությունների հետևանքով անօթևան մնացած և Լեռնային Ղարաբաղից դուրս գալու ցանկություն հայտնած ընտանիքների տեղափոխումը Հայաստան՝ ռուս խաղաղապահների ուղեկցությամբ: 

Հիշեցնենք` Ադրբեջանը սեպտեմբերի 19–ին լայնամասշտաբ հարձակում սկսեց Արցախի դեմ։ Ադրբեջանական զինուժը շփման գծի ողջ երկայնքով խախտեց հրադադարը` հասցնելով հրթիռահրետանային հարվածներ։   
Սեպտեմբերի 20–ին հայտնի դարձավ, որ Արցախի իշխանություններն ընդունել են ՌԴ խաղաղապահ առաքելության զորակազմի հրամանատարության՝ կրակի դադարեցման վերաբերյալ առաջարկությունը:   
Սեպտեմբերի 21–ին ՌԴ խաղաղապահների միջնորդությամբ ադրբեջանական Եվլախում կայացավ Արցախի ու Ադրբեջանի ներկայացուցիչների հանդիպումը։