Նույնիսկ հնդիկները չփրկեցին. Թևանյան

Քաղաքացիները ապտակ հասցրին «տասովշիկների» երեսին՝ ցույց տալով, որ այդ ինստիտուտն այլևս իրեն չի արդարացնում. Նույնիսկ հնդիկները չփրկեցին։ Այս մասին այսօր՝ սեպտեմբերի 18-ին լրագրողների հետ հանդիպման ժամանակ հայտարարել է «Մայր Հայաստան» դաշինքից Երևանի քաղաքապետի թեկնածու Անդրանիկ Թևանյանը։

Նախընտրական քարոզարշավի շրջանակներում իշխանությունները, նրա հաշվարկներով, ծախսել են 10-15 միլիոն դոլար, մինչդեռ օրենքը թույլ է տալիս ծախսել 300 միլիոն դրամ կամ մոտավորապես 800 հազար դոլար։

«Ընտրակեղծարարների կոստյումը իշխանություններին էլ է դուր եկել, և այն պահել են»,- ասել է Թևանյանը: 

Ավելի վաղ, Թևանյանը հայտարարել էր, որ իրենք պատրաստ են քննարկել համագործակցության բոլոր տիպի ձևաչափերը այն պարագայում, երբ որ ուժը կիսում է իրենց մոտեցումները: