ՏԵՍԱՆՅՈՒԹ. Կարող ենք օգնել, որ Մարությանը համապատասխան ձայներ ստանա, բայց պայմանով. Թևանյան

Այս րոպեներին ընթանում է «Մայր Հայաստան» դաշինքի քաղաքապետի թեկնածու Անդրանիկ Թևանյանի մամուլի ասուլիսը, որտեղ նա հանդես եկավ հայտարարությամբ` նշելով, որ «Մայր Հայստան» դաշինքը ունի 3 սկզբունք, որոնց համաձայնելու դեպքում կհամագործակցի այլ ուժի հետ: Ըստ նրա` իրենք պատրաստ են քննարկել համագործակցության բոլոր տիպի ձևաչափերը այն պարագայում, երբ որ ուժը կիսում է իրենց մոտեցումները: 

«Մենք կարող ենք օգնել Հայկ Մարությանին, որպեսզի ինքը համապատասխան ձայներ հավաքի, եթե պարզվի, որ ինքը կիսում է մեր օրակարգը ամբողջական իշխանափոխության մասով: Ի սկզբանե հայտարարում ենք` որևէ պաշտոնի չենք հավակնում»,- ասել է նա։

Ըստ նրա՝ երբ այդ մասին հայտարարություն լինի, իրենք կշարունակեն քննարկումները.

«Խնդիրն այն է, որ եթե առանձին վերցրած քաղաքապետի խնդիր է լուծվում, դատելով մեր օրենսդրությունից, կոնֆիգուրացիայից, որ քաղաքական դաշտում կա, Երևանի քաղաքապետը եթե չի գնում գործարքի կառավարության և Փաշինյանի հետ, օբյեկտիվորեն չի կարող իրականացնել ծրագիրը, որովհետև Երևանի բյուջեի 63%–ը կենտրոնական համակարգից է սնվում։ Եթե մեկ անգամ չեն թողել, որ աշխատի, մյուս անգամ էլ չեն թողնի։ Հետևաբար, դու պետք է փոխես իշխանությունը, որ Երևանը դառնա ինքնակառավարվող»։

Նա վստահեցրել է, որ իրենց ընտրացուցակում չկան մարդիկ, որ համագործակցության կգնան իշխանությունների հետ։

Մանրամասները` տեսանյութում: