Ավտովթար Վարդենիս-Տորֆավան ճանապարհին. վարորդներից մեկը տեղում մահացել է

Գեղարքունիքի մարզի Վարդենիս-Տորֆավան ավտոճանապարհի 4-րդ կմ-ին բախվել են «Mercedes-Benz» ու «VAZ» մակնիշների ավտոմեքենաները, որի արդյունքում «VAZ»–ի վարորդ 66–ամյա Ռ․ Զ–ն տեղում մահացել է։ Տեղեկությունը հայտնում է ՀՀ ՆԳՆ փրկարար ծառայությունը։

Մինչ փրկարարների կանչի վայր հասնելը՝ 74–ամյա «Mercedes-Benz» –ի վարորդ Ա․ Խ․-ն ավտոմեքենայից դուրս է բերվել տեղի ուժերով և տեղափոխվել բժշկական կենտրոն:

Փրկարարները «VAZ» մակնիշի ավտոմեքենայից դուրս են բերել Ռ. Զ․-ի դին և մոտեցրել շտապօգնության մեքենային։

Նրանք հոսանքազրկել են ավտոմեքենաներն ու փակել գազի բալոնների փականները։