Հայաստան-Թուրքիա խաղին արգելվել է Ադրբեջանի դրոշներով մուտքը. բողոքի ալիք է բարձրացել
Թուրքիայի Էսքիշեհիր քաղաքում Թուրքիայի և Հայաստանի ազգային հավաքականների խաղին Ադրբեջանի դրոշով մարզադաշտ մտնելու արգելքը Թուրքիայում մեծ արձագանք է գտել ազգայնականների ու ադրբեջանական համայնքի մոտ։ Տեղեկությունը հայտնում է թուրքական Yenicag-ը։
Սոցցանցերում բողոքի ալիք է բարձրացել Թուրքիայի ֆուտբոլի ֆեդերացիայի որոշումից հետո, որով արգելվում է Ադրբեջանի դրոշով մտնել Թուրքիա-Հայաստան խաղին։
Հիշեցնենք, որ Եվրո 2024-ի առաջնության ընտրական փուլի շրջանակներում սեպտեմբերի 8-ին Հայաստանի ֆուտբոլի ազգային հավաքականը թուրքական Էսքիշեհիր քաղաքի համանուն մարզադաշտում կմրցի Թուրքիայի հավաքականի հետ։ Խաղը տեղի կունենա Երևանի ժամանակով 22։45-ին։
