Թիվ 10 երթուղին սպասարկող տրոլեյբուսը վրաերթի է ենթարկել ուղևորին

Այսօր՝ սեպտեմբերի 2-ին, արտակարգ դեպք է տեղի ունեցել Երևանում: Ժամը 16:20-ի սահմաններում Կոմիտասի պողոտայում՝ 39/6 հասցեի դիմաց, 64-ամյա Ֆելիքս Մ.-ն իր վարած թիվ 10 երթուղին սպասարկող տրոլեյբուսով վրաերթի է ենթարկել հետիոտն, Երևանի բնակիչ 56-ամյա Սուսաննա Կ.-ին: 

Ինչպես հայտնում է shamshyan.com-ը, վարորդը փախուստի չի դիմել։
Վերջիններս քաղաքացիների օգնությամբ վիրավորին  առաջին անհրաժեշտ բուժօգնություն են ցուցաբերել, ապա օպերատիվորեն ժամանած բժիշկները նրան տեղափոխել են հիվանդանոց: 
Վարորդին հոգեբանական օգնություն են ցուցաբերել դեպքի վայրի հարևանությամբ գտնվող «Միստր Գիրոս» սննդի կետի աշխատակիցները:
Դեպքի վայրում հավաքվածները կայքի թղթակցին ասում էին, որ վրաերթի ենթարկվածը տրոլեյբուսի ուղևոր է եղել և նա իջել է տրոլեյբուսից, սպասելով վարորդի հրահանգաներին, վարորդն էլ չնկատելով նրան՝ անզգուշաբար վրաերթի է ենթարկել: 

Վարորդը ենթարկվել է սթափության փորձաքննության, եղել է սթափ: