Ադրբեջանցիների հերթական շոուն․ Ստեփանակերտ-Ակնա ճանապարհին վրաններ են տեղադրել
Ադրբեջանցիները հերթական շոուն են կազմակերպել։ Կարմիր մահիկի «փրկիչները» տեղավորվել են Ստեփանակերտ- Ակնա ճանապարհին, վրաններ տեղադրել։ Այս մասին ադրբեջանական կողմը ակտիվ պրոպագանդայով է զբաղված սոցիալական հարթակներում, մասնավորապես տելեգրամյան հարթակում։
Իբր «փրկիչները» սպասում են, որ իրենց թույլ տան արցախցիներին հաց հասցնել։
Ավելի վաղ նշել էինք, որ Բաքվից 40 տոննա ալյուրով բեռնված երկու բեռնատարները հասել են Ակնա (Աղդամ): Բեռնափոխադրման փորձը կազմակերպած Ադրբեջանի Կարմիր Մահիկի ընկերության նախագահ, պատգամավոր Նովրուզ Ասլանի խոսքով՝ «մոբիլիզացվել են կամավորներ մարդասիրական բեռը տեղ հասցնելու համար»։
Նշենք, որ արցախյան իշխանությունները արդեն իսկ հայտարարել են, որ վերոնշյալ քայլը որևէ կերպ իրենց հետ համաձայնեցված չի եղել։
