Մի քանի օրվա ընթացքում Ադրբեջանը 60-ից ավելի անգամ կրակել է Երասխի գործարանի ուղղությամբ

Վերջին օրերին՝ օգոստոսի 25-ից 27-ն ընկած ժամանակահատվածում, ադրբեջանական ԶՈւ-ն բարձր ինտենսիվությամբ աննախատեպ քանակի կրակոցներ են արձակել Երասխում կառուցվող գործարանի ուղղությամբ։ Այս մասին հայտարարություն է տարածել GTB Steel LLC ընկերությունը։

«Հայտնում ենք ձեզ, որ վերջին օրերին՝ օգոստոսի 25-ից 27-ն ընկած ժամանակահատվածում, ադրբեջանական զինված ուժերը բարձր ինտենսիվությամբ աննախատեպ քանակի կրակոցներ են արձակել Երասխում կառուցվող գործարանի ուղղությամբ՝ թիրախավորելով նաև բանվորների կացարանը»,-ասվում է հայտարարության մեջ: 

 Նշվում է, որ կատարվել է ավելի քան 60 կրակոց։