Ադրբեջանական կրակի ինտենսիվությունը Սոթքի հայկական դիրքերի ուղղությամբ նվազել է. ՊՆ

ՀՀ Պաշտպանության նախարարությունը հաղորդագրություն է տարածել․

«Սոթքի հատվածում տեղակայված հայկական դիրքերի ուղղությամբ ադրբեջանական կրակի ինտենսիվությունը ժամը 11:20-ի դրությամբ նվազել է: Իրադրության զարգացման վերաբերյալ պաշտպանության նախարարությունը հանդես կգա հաղորդագրությամբ»:

Նշենք, որ Պաշտպանության նախարարությունը հորդորում է չճշտված, ոչ ստույգ տեղեկություններ չհրապարակել:

Հիշեցնենք՝ Պաշտպանության նախարարությունը քիչ առաջ հայտնեց, որ Ադրբեջանի ԶՈՒ-ն կիրառում է նաև ականանետ։ Նշենք՝ այսօր առավոտյան ՀՀ պաշտպանության նախարարությունը հայտնել է, որ թշնամին օգոստոսի 31-ին պարբերաբար ապատեղեկատվություն տարածելով ու այդպիսով հերթական սադրանքի համար տեղեկատվական հիմք ստեղծելով, սեպտեմբերի 1-ին՝ ժամը 07:50-ից սկսած, ինտենսիվ կրակ է բացել Սոթքի հատվածում տեղակայված հայկական դիրքերի ուղղությամբ: