Սանկտ Պետերբուրգում անհայտ անձը հարձակվել է պայմանագրային զինծառայողների հավաքակայանի վրա
Սանկտ Պետերբուրգում անհայտ անձը հարձակվել է զինվորական ծառայության պայմանագրային զինծառայողների հավաքակայանի վրա: Այս մասին գրում է Shot թելեգրամյան ալիքը:
«Տղամարդը նախ աղյուսով կոտրել է ապակին, իսկ հետո Մոլոտովի կոկտեյլով փորձել է այրել շենքը»,- հայտնում է ալիքը։
Հաղորդվում է, որ դեպքի տեղի է ունեցել երեկոյան, Ադմիրալտեյսկի թաղամասում: Հարձակվողին բերման են ենթարկել, նա չի հասցրել որեւէ բան հրկիզել:
