Լիբանանը պարտքերը չվճարելու պատճառով մնացել է առանց էլեկտրաէներգիայի
Ամբողջ Լիբանանում տասը ժամով անջատվել է էլեկտրականությունը։ Երկու ջէկ դադարեցրել են էներգիայի մատակարարումը պարտքը արտարժույթով չվճարելու պատճառով։ Տեղեկությունը հաղորդում է ТАСС-ը:
Էլեկտրաէներգիան անջատվել է երկրի հյուսիսում՝ Դեյր Ամմար, հարավում՝ Ալ Զահրանի քաղաքներում։ Էլեկտրակայանի օպերատորը զգուշացրել էր արտարժույթով պարտքերը չվճարելու պատճառով հոսանքազրկման մասին։ Պարտքը կազմում է 83 մլն դոլար, այդ գումարից լիբանանյան «Electricity du Liban» պետական ընկերությունը «Primesouth» ջէկ-ի օպերատորին վճարել է ընդամենը 2 մլն դոլար։
Հաղորդվում է, որ Էներգետիկայի և ջրային պաշարների նախարարի պաշտոնակատար Սելիմ Ֆայադը հրատապ ջանքեր է գործադրում մարելու համար։
Հունվարի սկզբին նույնպես նման իրավիճակ է եղել։ Այնուհետև իշխանությունները մեկ շաբաթվա ընթացքում միջոցներ են հայթայթել և պարտքերը մարել, որպեսզի Լիբանանը չընկղմվի լիակատար խավարի մեջ:
Ճգնաժամային իրավիճակը սրվել է արտարժութային պահուստների կրճատման պատճառով, վառելիքի և քսանյութերի պետական սուբսիդիաների վերացումով, ինչն էլ հանգեցրել է բենզինի և մազութի գների բարձրացմանը։
