Մանրամասներ. ո՞ւմ և ինչի՞ համար է ծեծել երեխային ու նկարահանել. «Հրապարակ»
Ինչպես հայտնի է, երեխային ծեծի ենթարկող ու ստորացնող Աննա Արևշատյանը ձերբակալվել է։ Այս մասն գրում է «Հրապարակ օրաթերթ»-ը:
«Իրավապահ համակարգին մոտ կանգնած մեր աղբյուրն ասաց, որ կինը հարցաքննության ընթացքում իր կատարած արարքը բացատրել է հետևյալ կերպ, որ դա արել է գումարի դիմաց, այսինքն՝ նկարահանել է ինչ-որ մեկի համար, ով պատրաստ է եղել նման տեսանյութի համար գումար վճարել։ Կինը նաև ասել է, որ այդ անձին չի ճանաչում»-գրել է օրաթերթը։
Հիշեցնենք՝ ավելի վաղ հայտնել էինք, որ համացանցում տեսանյութ էր տարածվել, որտեղ անչափահաս երեխայի նկատմամբ ակնհայտորեն ֆիզիկական, սեռական, մտավոր բռնություն է իրականացվում, ենթադրաբար ընտանիքի անդամների, մասնավորապես` մոր կողմից: ՀՀ ոստիկանությունից հայտնել են, որ անչափահաս երեխային բռնության ենթարկած կինը հայտնաբերվել է։
