Խոշոր հրդեհ Գեղարքունիքի մարզում․ կրակն ու ծուխը տեսանելի են մի քանի հարյուր մետրից

Երեկ՝ օգոստոսի 16-ին, խոշոր հրդեհ է տեղի ունեցել Գեղարքունիքի մարզում։ Ժամը 21։15-ի սահմաններում ահազանգ է ստացվել, որ Գավառ քաղաքի Հացառատ թաղամասից դեպի Գանձակ գյուղ տանող ավտոճանապարհին տան տանիք է այրվում։

Ինչպես հայտնում է shamshyan.com-ը, պարեկներն ու ոստիկանները սահմանազատել են տարածքը, որպեսզի հրշեջները, ապա նրանց միացած քաղաքացիները պայքարեն կրակի դեմ։ Ծուխն ու կրակը տեսանելի են մի քանի հարյուր մետր հեռավորությունից։

Ըստ նախնական տեղեկությունների՝ բարեբախտաբար տուժածներ չկան։

Հրդեհը բռնկվել է ավտոտեխսպասարկման բազմաֆունկցիոնալ սրահի ավտոտնակ-պահեստներից մեկում։

Ոստիկանության Գավառի բաժնում պարզվում են ավտոտեխսպասարկման կենտրոնի սեփականատիրոջ ինքնությունը և ինչ հանգամանքներում է կրակն առաջացել։