Ford Focus-ը Մյասնիկյան պողոտայում մխրճվել է կայանված բեռնատար «ԶԻԼ»-ի հետնամասի մեջ
Այսօր՝ օգոստոսի 17-ին, ավտովթար է տեղի ունեցել Երևանում։ Ժամը 18:50-ի սահմաններում Մյասնիկյան պողոտայում բախվել են Կոտայքի մարզի բնակիչ 48-ամյա Մարինե Մ․-ի վարած Ford Focus մակնիշի և Երևանի բնակիչ 45-ամյա Ռոբերտ Մ․-ի վարած «ԶԻԼ 131» մակնիշի ավտոմեքենաները։
Վթարի հետևանքով Ford-ի վարորդը մարմնական վնասվածքներով տեղափոխվել է Հերացու անվան թիվ 1 համալսարանական հիվանդանոց։
Վիրավորին առաջինն օգնության են հասել քաղաքացիները և օպերատիվորեն ժամանած Երևանի 1-03 շտապօգնության բժիշկների հերթապահ խումբը։
Ժամանել են նաև ՀՀ Ներքին գործերի նախարարության Փրկարար ծառայության Երևանի հրշեջ-փրկարարական ջոկատից 1 մարտական հաշվարկ։
Հրշեջ-փրկարարները հոսանքազրկել են ավտոմեքենանները, տեղում իրականացնում են հերթապահություն։
