Մենք մտահոգված ենք ԼՂ–ում մարդասիրական վիճակի վատթարացմամբ. Բրազիլիայի ներկայացուցիչ
Բրազիլիան մտահոգություն է հայտնել Լաչինի միջանցքի շրջափակման հետևանքով ստեղծված մարդասիրական ճգնաժամի վերաբերյալ։
«Մենք մտահոգված ենք այն տեղեկություններով, որոնք վերաբերում են մարդասիրական վիճակի վատթարացմանը Լեռնային Ղարաբաղում»,- ասել է ՄԱԿ ԱԽ Բրազիլիայի ներկայացուցիչ Սերժիո Ֆրանսա Դանեսեն։
Լեռնային Ղարաբաղում հումանիտար ճգնաժամի հարցով նիստին նա նշել է, որ առանձնակի մտահոգություն են պատճառում տեղեկություններն այն մասին, որ հունիսից ճանապարհի փակման պատճառով իրավիճակն ավելի է բարդացել և՛ քաղաքացիական բնակչության, և՛ խոցելի անձանց համար։
«Բրազիլիան վերահաստատում է, որ հանձնառու է հարգելու Հայաստանի և Ադրբեջանի ինքնիշխանությունը և տարածքային ամբողջականությունը՝ նրանց միջազգայնորեն ճանաչված սահմանների շրջանակում»,- ասել է նա։
«Կողմերին կոչ ենք անում գտնել մեխանիզմներ, որոնցով կապահովվի ԼՂ առանց խոչընդոտների մարդասիրական հասանելիությունը, այդ թվում՝ Աղդամ-Խանքենդի ճանապարհի հնավորությունը»,- ասել է նա։
