ՄԱԿ ԱԽ–ում քննարկում են Արցախում հումանիտար ճգնաժամը

Ինչպես արդեն հայտնել էինք, Նյու Յորքում մեկնարկել է ՄԱԿ ԱԽ նիստը, որի ժամանակ քննարկվում է Լեռնային Ղարաբաղում Ադրբեջանի կողմից շարունակվող շրջափակման հետևանքով առաջացած մարդասիրական ճգնաժամն ու ստեղծված իրավիճակը:

Ստորև ներկայացնում ենք ԱԽ նիստում հնչած հայտարարություններից մի քանիսը.

ՄԱԿ-ում Բրազիլիայի ներկայացուցիչ - 2020թ. նոյեմբերի 9-ի փաստաթուղթը խաղաղության կառուցման ճանապարհային քարտեզ է։
 

ՄԱԿ-ում Ճապոնիայի ներկայացուցիչ - Մենք վերահաստատում ենք, որ իրավունքի գերիշխանությունը պետք է հաստատվի, և դա մեր մնայուն դիրքորոշումն է։ 
 

Ցանկացած պետություն պարտավոր է միջազգային իրավունքի նորմերին հետևել, այդ թվում՝ ՄԱԿ-ի կանոնադրությանը և միջազգային մարդասիրական իրավունքի նորմերին։ 

ՄԱԿ-ում Ալբանիայի ներկայացուցիչ - Մինչ կողմերից յուրաքանչյուրը իր նարատիվն է ներկայացնում, ակնառու է մեկ բան` խորը անվստահություն կողմերի միջև։

ՄԱԿ-ում Չինաստանի ներկայացուցիչ - Հայաստանն ու Ադրբեջանը հարևաններ են, և նրանց հիմնարար շահերից է բխում գտնելու ընդհանուր անվտանգության և զարգացման ուղին համագործակցության միջոցով։

ՄԱԿ-ում Շվեյցարիայի ներկայացուցիչ - ԼՂ-ում իրավիճակը ծայրահեղ ծանր է և պետք է լուծվի անհապաղ։ Կոչ ենք անում կողմերին հավատարիմ մնալ իրենց հանձնառություններին։ 
 

Կոչ ենք անում գտնել հումանիտար կոնսենսուս։ 

ՄԱԿ-ում Մալթայի ներկայացուցիչ - Մալթան կոչ է անում անհապաղ և առանց նախապայմանների վերացնել Լաչինի միջանցքի արգելափակումը։ Աղդամը չի կարող լինել Լաչինի միջանցքին այլընտրանք:

ՄԱԿ-ում ԱՄԷ-ի ներկայացուցիչ – ԱՄԷ-ն ընդգծում է, որ մարդասիրական անհրաժեշտ օգնությունը պետք է հասանելի դարձնել մարդկանց։ 

ՄԱԿ–ում Մոզամբիկի ներկայացուցիչ - 2020-ի նոյեմբերի 9-ի հայտարարությանը պետք է հետևել: ՀԱԱԳԱ-ի որոշումը պետք է կատարվի, որ երկարատև խաղաղություն լինի:

ՄԱԿ-ում Միացյալ Թագավորության ներկայացուցիչ - Արդարադատության միջազգային դատարանը վճռել է՝ ապրանքների, բեռների և մարդկանց շարժը պետք է ապահովվի:

Բանակցությունները պետք է շարունակվեն մնայուն խաղաղության համար.