Լեհաստանը, Լիտվան և Լատվիան կփակե՞ն Բելառուսի հետ սահմանները
Պաշտոնական Վարշավան, Վիլնյուսը և Ռիգան քննարկում են Բելառուսի հետ սահմանի ամբողջական փակման մասին հավաքական որոշման հնարավորությունը: Նման հայտարարություն է արել Լիտվայի ներքին գործերի նախարար Ագնե Բիլոտայտեն:
«Տեխնիկական մակարդակով ընթանում է սահմանի փակման գործողությունների սխեմայի նախապատրաստումը», - հայտարարել է նա:
Բալթյան երկրներն ու Լեհաստանը Բելառուսի հետ սահմանները փակելու պլանների մասին առաջին ամիսը չէ, որ խոսում են։ Առավել արմատական է տրամադրված Վարշավան։ Սահմանների փակման հարցը կքննարկվի օգոստոսի 28-ին՝ երկրների ներքին գործերի նախարարների մակարդակով։
