Մեկ տարվա ընթացքում ԱՄՆ-ում անօթևանների թվի ռեկորդային աճ՝ 11%-ով. WSJ

ԱՄՆ-ում անօթևանների թիվը վերջին մեկ տարվա ընթացքում աճել է ռեկորդային՝ 11%-ով, և այժմ նրանց թվում է 577 հազար մարդ (երկրի բնակչության մոտ 0,2%-ը)։ Այս մասին հայտնում է The Wall Street Journal-ը (WSJ)՝ հղում կատարելով սեփական հետազոտությանը։

Անցյալ տարվա համեմատ երկրում անօթևանների թիվն աճել է 11%-ով և գերազանցել 2020 թվականի նախահամաճարակային ցուցանիշները, նշում է թերթը։ «Որոշ վայրերում [թվի] աճը կարող է արտացոլել անօթևանության խնդիրը, որն ավելի նկատելի է դառնում համաճարակի ժամանակ հաշվելու հետ կապված խնդիրներից հետո», - գրում է WSJ-ը։

Պարբերականը նշում է, որ սա նախնական տվյալներ են, սակայն նման աճը կապում է ԱՄՆ-ում «բազմաթիվ խնդիրների» հետ՝ սկսած բնակարանային ծախսերի աճից և տարածքների վարձակալության պակասից մինչև շարունակվող «օփիոիդային ճգնաժամը»:

Բացի այդ, WSJ-ի կողմից հարցված փորձագետները որոշ քաղաքներում անօթևանների թվի աճը կապում են միգրանտների թվի աճի հետ։ Այդ քաղաքներից մեկը Նյու Յորքն է, որտեղ իշխանությունները օրինականացրել են ապաստանի իրավունքը. օրինակ, քաղաքային համակարգում ներկայումս պաշտոնապես գրանցված է ավելի քան 80 հազար անօթևան մարդ:

Անցած դեկտեմբերին ԱՄՆ նախագահ Ջո Բայդենի վարչակազմը ներկայացրել էր մինչև 2025 թվականը երկրում անօթևանների թիվը 25%-ով կրճատելու ծրագիր։ Նոր ռազմավարության համաձայն՝ Վաշինգտոնը կսկսի աշխատել նահանգների և քաղաքային իշխանությունների հետ, որոնք կստանան դաշնային աջակցություն՝ տեղում խնդրի լուծման համար: