Իլոն Մասկը լուրջ չի վերաբերվում մենամարտի անցկացմանը. Ցուկերբերգ

Tesla-ի ղեկավար Իլոն Մասկը լուրջ չի վերաբերվում  մենամարտի անցկացմանը, որի շուրջ երկու մուլտիմիլիարդատերերը, իբր, համաձայնության են եկել հունիսի վերջին, ասել է Meta Corporation-ի սեփականատեր Մարկ Ցուկերբերգը:

Threads սոցիալական ցանցում իր գրառման մեջ Ցուկերբերգը գրել է, որ առաջարկել է Մասկին ամսաթիվ նշանակել, սակայն ի պատասխան նա լսել է արդարացումներ:

Ցուկերբերգն անցյալ շաբաթ ասել է, որ օգոստոսի 26-ին առաջարկել է մենամարտել։ Ուրբաթ օրը Իտալիայի մշակույթի նախարարը հայտնել է, որ ինքը խոսել է Մասկի հետ հանդիպումը երկրում որպես բարեգործական միջոցառում անցկացնելու հնարավորության մասին։

Մասկն առաջարկել է մենամարտել Հին Հռոմի ոճով.

Սակայն կիրակի օրը Ցուկերբերգը Threads կայքում գրել է. «Իլոնը չհաստատեց ամսաթիվը, հետո ասաց, որ վիրահատության կարիք ունի, իսկ այժմ նա խնդրում է դրա փոխարեն պրակտիկա անցկացնել իմ բակում»։

«Եթե Իլոնը երբևէ լրջորեն ցանկանա պաշտոնական մենամարտի իրական ամսաթիվ նշանակել, նա գիտի, թե ինչպես կապվել ինձ հետ: Հակառակ դեպքում, ժամանակն է առաջ գնալ: Ես պատրաստվում եմ կենտրոնանալ այն մարդկանց դեմ մրցելու վրա, ովքեր լրջորեն են զբաղվում սպորտով»,- հավելել է Ցուկերբերգը։

Իր X հարթակում Մասկը պատասխանել է՝ Meta-ի ղեկավարին վախկոտ անվանելով։