Լուկաշենկոն դեմ է արտահայտվել Արևմուտքի հետ հարաբերությունների խզմանը
Բելառուսի նախագահ Ալեքսանդր Լուկաշենկոն դեմ է արտահայտվել արևմտյան երկրների հետ հանրապետության հարաբերությունների խզմանը։ Այդ մասին նա հայտարարել է Մինսկի ազգային օդանավակայանի տարածքում տեղակայված աշխատանքային կոլեկտիվների ներկայացուցիչների հետ հանդիպմանը, փոխանցում է BelTA գործակալությունը։
Այս պահին Բելառուսն ապրում է առաջին հերթին Արևելքի՝ Ռուսաստանի և Չինաստանի հաշվին, մինչդեռ չպետք է մոռանալ բարձր տեխնոլոգիական Արևմուտքի մասին, նշել է նա։
«Նրանք մոտ են, նրանք մեր հարեւաններն են՝ Եվրամիությունը։ Եվ նրանց հետ հարաբերությունները չեն կարող կորցնել»,- ասել է Բելառուսի ղեկավարը՝ ընդգծելով, որ հանրապետությունը պատրաստ է զարգացնել հարաբերությունները ԵՄ-ի հետ, սակայն հաշվի առնելով սեփական շահերը։
Նրա խոսքով, Բելառուսը պատրաստ է նույնիսկ վաղն ընդունել արեւմտյան ավիաընկերություններին եւ չի պատրաստվում որեւէ մեկի հետ կռվել։
