Նիգերում ձերբակալել են Ֆրանսիայում ապստամբների իշխանությունը չճանաչած դեսպանի որդուն
Ֆրանսիայում Նիգերի դեսպան Աիշատա Բուլամա Քեյնի որդին` Իդրիսա Քեյնը կալանավորվել է Նիամեյում՝ պետական միջոցների յուրացման մեղադրանքով։ Այս մասին հայտնում է AFP-ն՝ դիվանագետին հղումով։
Նրա գործը փոխանցվել է Կոռուպցիայի և նմանատիպ իրավախախտումների դեմ պայքարի բարձրագույն տնօրինություն, նշում է գործակալությունը։ Ձերբակալության ստույգ պատճառը դեռևս հայտնի չէ։
Հիշեցնենք՝ հուլիսի 27-ի գիշերը Նիգերի զինվորականները հայտարարեցին նախագահ Մուհամեդ Բազումի պաշտոնանկության և իշխանությունը «Հայրենիքի փրկության ազգային խորհրդին» փոխանցելու, ինչպես նաև սահմանների փակման, սահմանադրության կասեցման և ցանկացած քաղաքական կուսակցության գործունեության արգելքի մասին:
