Անհետ կորածներից մեկը՝ պայթյունից մեկուկես ժամ անց փորձել է զանգահարել կնոջը. նոր մանրամասներ
Ռուսական Telegram ալիքները հայտնում են, որ Մոսկվայի մարզի Սերգիև Պոսադ քաղաքի Զագորսկի օպտիկական և մեխանիկական գործարանում տեղի ունեցած պայթյունի հետևանքով զոհ կա։
Մահացածը 45-ամյա կին է։ Համաձայն այս վարկածի՝ նա ամբողջ մարմնով այրվածքներ է ստացել, ինչից էլ մահացել է։
Հաղորդվում է նաև, որ Սերգիև Պոսադում տեղի ունեցած պայթյունից հետո անհետ կորածներից մեկը՝ պայթյունից մեկուկես ժամ անց փորձել է զանգահարել կնոջը։ Հարազատները վստահ են, որ Ալեքսանդրը զանգել է փլատակների տակից, սակայն այժմ հեռախոսի մարտկոցը նստել է և հասանելի չէ։ Կորած տղամարդու կինը բաց է թողել նրա զանգը, իսկ այժմ ամուսնու հեռախոսը չի պատասխանում. նա ենթադրում է, որ 62-ամյա ամուսինը փլատակների տակից փորձել է կապ հաստատել իր հետ։
Այս պահին շտապօգնության ծառայությունները փլատակների տակ որոնում են երեք մարդու։
Կարևոր է նշել, որ միջադեպը տեղի է ունեցել օպտիկական-մեխանիկական գործարանում, որը մասնագիտացած է իրավապահ մարմինների և արդյունաբերության համար դիտորդական սարքերի արտադրության մեջ:
Հիշեցնենք, որ նշված գործարանում պայթյուն է տեղի ունեցել։ Սկզբում հաղորդվում էր տասնյակ վիրավորների մասին։ Ըստ ռուսական աղբյուրների՝ պայթյունի պատճառը կարող էր լինել մարդկային գործոնը։
