ՏԵՍԱՆՅՈՒԹ. Կալանավորել են 4 երիտասարդ, ովքեր կատակով տղամարդ են առևանգել. ՌԴ
Մոսկվայում կալանավորել են 4 «պռանկերի», ովքեր Պսկովսկայա փողոցում կատակով տղամարդ են առևանգել: Հայտնում է gazeta.ru-ն:
Դիմակավորված տղաները մարմնավորել են առևանգման տեսարանը հենց կանգառում՝ այլ մարդկանց աչքի առաջ։ Ականատեսները չեն գնահատել կատակը եւ ոստիկանություն են կանչել։
Կատակասերներին հայտնաբերել են տեսախցիկները: Նրանք 19-ից 23 տարեկան երիտասարդներ էին։ Երիտասարդները խոստովանել են, որ պարզապես ցանկացել են վախեցնել պատահական անցորդներին։ Տղաների նկատմամբ գործողություններ են կատարվել «մանր խուլիգանություն» հոդվածով, հայտնում է «MVD MEDIA»-ն։
