ՏԵՍԱՆՅՈՒԹ. Լարված իրավիճակ Կառավարության շենքի դիմաց. ակցիայի մասնակիցներին փորձում են բերման ենթարկել

Կառավարության մոտ այսօր առավոտից բողոքի ակցիա իրականացնող Արցախյան պատերազմի մասնակիցներին ոստիկանները փորձում են բերման ենթարկել։ Իրավիճակը սկսեց լարվել այն ժամանակ, երբ ակցիայի մասնակիցներին փորձեցին փակել դեպի Հանրապետության հրապարակ տանող ճանապարհները։

Քիչ առաջ մեծ թվով ոստիկանական ուժեր բերվեցին հրապարակ։ Ոստիկաններն ակցիայի մասնակիցներին ժամանակ են տվել հավաքը դադարեցնելու և ճանապարհը բացելու համար` նշելով, որ նրանց գործողություններն օրինական չեն։

Նշենք, որ այսօր վաղ առավոտից Արցախյան առաջին պատերազմի մի շարք մասնակիցներ բողոքի ակցիա են իրականացնում կառավարության շենքի մոտ` Լաչինի միջանցքի ապաշրջափակման պահանջով։