ՏԵՍԱՆՅՈՒԹ. «Արցախում սով չկա». ադրբեջանցիները վերցրել են Արթուր Օսիպյանի հարցազրույցը և օգտագործում են ի օգուտ իրենց

Համացանացում մոտ մեկ ժամ է ակտիվորեն քննարկվում է Լեռնային Ղարաբաղից ակտիվիստ Արթուր Օսիպյանի հարցազրույցը տված 1in.am կայնքին: Որքան էլ սարսափելի է ասել, նաեւ լսել, Արթուր Օսիպյանը նշում է, թե Ղարաբաղում տասնայկ խնդիրներ կան, բայց սով չկա, որ միջազգային հարությանը մոլորեցնել պետք չէ, միշտ էլ կան մարդիկ որոնք ունեցել են հացի խնդիր, եւ մարդիկ, որոնք կուշտ կերել են: 

Հավելենք, որ երեկ էլ Արցախի մեկ այլ ներկայացուցիչ Տիգրան Պետրոսյանը հարցազրույց է տվել ադրբեջանցի բլոգերին: Ապշեցնող են նման հայտարարությունները, նաեւ անբացատրելի, քանի որ Արցախից տեսանյութեր ու լուսանկարներ կան, որտեղ հացի, սննդմաթերքի համար հերթեր են, ուշագնաց երեխաներ, կամ հղի կին, ծեր մարդիկ: 

Ավելին, նման հայտարարությունները պարարտ հող են Ադրբեջանի համար, որին այլ բան պետք չէ, քան վերցնել նման հարցազրույցները, մատի փաթաթան սարքել ու քարզչություն իրականացնել, ինչն էլ այս դեպքում հաջողությամբ արել են: