ՏԵՍԱՆՅՈՒԹ. Խոշոր հրդեհ է բռնկվել Մոսկվայի մարզի ավտոկենտրոններից մեկի մոտ

Մերձմոսկովյան Յախրոմայում հրշեջները մարել են պահեստում բռնկված հրդեհը։ Այս մասին Газета.Ru-ին հայտնում են Արտակարգ իրավիճակների նախարարությունից։

Գերատեսչության տվյալներով՝ հրդեհը բռնկվել է Դմիտրովսկի քաղաքային թաղամաս, Յախրոմա, Շլյուզովոյի նրբանցք, 1 հասցեում գտնվող պահեստում։ Հրդեհի մակերեսը 2500 քմ է։

Զոհերի մասին այս պահին տեղեկություններ չկան։ Լրացուցիչ տեղեկություններ ճշտվում են։

Մինչ այս Shot Telegram ալիքը հայտնել էր, որ խոշոր հրդեհ է տեղի ունեցել Մոսկվայի մարզի Lada Yakhroma ավտոկենտրոնի մոտ։ Նախնական տվյալներով՝ այրվում է պլաստմասսա և կաուչուկով երկու պահեստ։ Ծխի սյունը տեսանելի է տասնյակ կիլոմետրերի վրա։