ՏԵՍԱՆՅՈՒԹ. Բնակելի բարձրահարկ շենքում գազի պայթյուն է տեղի ունեցել. կան տուժածներ. ՌԴ
Կրասնոյարսկի երկրամասի Կանսկ քաղաքի բնակելի բարձրահարկ շենքում գազի պայթյուն է տեղի ունեցել։ Արդյունքում ավերվել են հինգ հարկերի բնակարաններ, տուժել է 11 մարդ, յոթը հոսպիտալացվել են, հայտնում է երկրամասի առողջապահության նախարարությունը։
Առաջին հարկերի պատուհաններից ապակիներ են կոտրվել, վնասվել են սանտեխնիկան։ Դեպքի վայրում աշխատում են հրշեջ-փրկարարներն ու շտապօգնությունը, հրդեհը մարվել է։ Տարհանվել է 200 մարդ, այդ թվում՝ 20 երեխա։
Այլ մանրամասներ դեռ չի հաղորդվում:
