«Վագներցիների» մի մասը մոտեցել է Լիտվայի սահմանին. նախագահ

Ռուսաստանյան  «Վագներ» ՄՌԿ-ի զինյալների մի մասը մոտեցել է Լիտվայի սահմանին՝ դիրքեր գրավելով Բելառուսի Գրոդնոյի շրջանում, հայտարարել է երկրի նախագահ Գիտանաս Նաուսեդան Լեհաստանի վարչապետ Մատեուշ Մորավեցկիի հետ Սուվալկիում կայացած հանդիպմանը, տեղեկացնում է լիտվական LRT մեդիա ընկերությունը։

«Այս իրավիճակը շատ հարմար է ինչպես Լեհաստանի և Բելառուսի, այնպես էլ Լիտվայի և Բելառուսի սահմաններին սադրանքներ կազմակերպելու համար»,- նշել է Լիտվայի պետության ղեկավարը՝ ռուսաստանցի վարձկանների ներկայությունը Բելառուսում «անվտանգության ռիսկի լրացուցիչ և շատ կարևոր գործոն» անվանելով։

Ըստ Նաուսեդայի, Բելառուսում «վագներցիների» թիվն «արդեն գերազանցում կամ մոտ է» 4000-ի, և մտավախություն կա, որ այն կարող է հասնել 10 000-ի, հաղորդում է DW-ն։